ain.az, Ayna portalına istinadən məlumatı açıqlayır.
Sərhədlərdəki körpülər mühəndislik konstruksiyaları ilə təchiz edilir
Litva Müdafiə Nazirliyi Rusiya və Belarusla sərhədlərdəki körpüləri "partlayıcı maddələrin bərkidilməsi üçün mühəndislik konstruksiyaları" ilə təchiz edir. AYNA.AZ xarici mediaya istinadən bildirir ki, bu tədbirlər Rusiyanın mümkün işğalı ilə bağlı narahatlıqlar fonunda Baltik Müdafiə Xəttinin yaradılmasına hazırlıq məqsədilə görülür.
Məlumatda bildirilib ki, "körpülər və yollar təbii maneələrin yerləşməsinə və Litvanın müdafiə sistemi üçün strateji əhəmiyyətinə əsasən seçilir". Ölkənin silahlı qüvvələrinin rəhbərliyi tədbirlərin 2024-cü ilin iyul ayında razılaşdırıldığını qeyd edib.
Plan cənub-qərbdə Rusiyanın Kalininqrad vilayəti və cənub-şərqdə Belarusla sərhəddə Baltik dənizi yaxınlığında müdafiə xəttinin yaradılması ilə bağlıdır.
Məlumatda həmçinin bildirilib ki, sərhəd yaxınlığında artıq bir neçə onlarla tank əleyhinə baryer saxlama yeri yaradılıb, ağaclar əkilir və əsas yolları qorumaq üçün suvarma kanalları dərinləşdirilir. Sülh dövründə bunlar kənd təsərrüfatı torpaqlarını su ilə təmin edir, lakin müharibə halında onlardan səngərlər və ya əlavə tank əleyhinə baryerlər kimi istifadə edilməsi planlaşdırılır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
