ain.az, Cebheinfo portalından verilən məlumatlara əsaslanaraq xəbər verir.
Yeni il tətilləri ərəfəsində xaricə çıxış qadağası milyonlarla Rusiya vətəndaşı üçün gözlənilməz maneəyə çevrilib.
"Cebheinfo.az" xəbər verir ki, Peşəkar Borc Tutma Agentlikləri Milli Birliyinin məlumatına görə, yeni il öncəsi ölkədə təxminən 8,8 milyon aktiv çıxış qadağası mövcuddur.
Halların böyük əksəriyyəti məhkəmə borcları ilə əlaqəlidir. Bəzi vətəndaşların bir neçə borcu olduğu üçün məhdudiyyətlər avtomatik şəkildə qüvvəyə minir. Aliment və ya maddi ziyanın ödənilməsi ilə bağlı borclarda hədd 10 min rubl, digər borclarda isə 30 min rubldan yuxarı məbləğlər ölkədən çıxış qadağasına səbəb olur.
Hüquqşünaslar səfər planı olan şəxslərə ən azı 10–14 gün əvvəl FSSP-nin (Federal Məhkəmə İcra Xidməti) açıq borc sorğulama sistemini yoxlamağı, borcu vaxtında ödəyib icra məmuruna məlumat verməyi tövsiyə edirlər. Çünki borc ödənilsə belə, qadağanın ləğvi avtomatik baş vermir: icra məmurunun ayrıca qərar qəbul etməsi və məlumatların sərhəd nəzarət sisteminə ötürülməsi tələb olunur. Bu proses bir neçə gündən bir neçə həftəyədək uzana bilər.
Mütəxəssislərin sözlərinə görə, bir çox insan yalnız hava limanında pasport nəzarəti zamanı “xaricə çıxış qadağası” olduğunu öyrənir və bu zaman tətil planları çox vaxt ləğv olunur.
Hüquqşünas Yuliya Guseynova bildirib ki, sistem kağız üzərində sadə görünsə də, praktikada vətəndaşların ziyanına işləyən ciddi asimmetriya yaradır. Onun sözlərinə görə, çıxış qadağası borcun özündən deyil, FSSP-nin qəbul etdiyi inzibati qərardan qaynaqlanır. Borc ödənildikdən sonra məlumatların sistemə daxil edilməsi vaxt apardığı üçün, vətəndaş ödəniş qəbzini təqdim etsə belə, sərhəd əməkdaşlarının onu dərhal buraxmaq səlahiyyəti yoxdur.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
