2025-ci ildə İspaniya sahillərinə çatmağa çalışan 3000-dən çox miqrant ölüb - bu, ötən illə müqayisədə üç dəfə azdır...
Poliqon xəbər verir ki, bu barədə İspaniyanın qeyri-hökumət təşkilatı Caminando Fronteras-ın hesabatında deyilir.
Miqrant hüquqları fəallarının məlumatına görə, 15 dekabr tarixinə qədər qeydə alınan 3090 ölüm hadisəsinin əksəriyyəti Afrikadan İspaniyaya məxsus Kanar adalarına ən təhlükəli Atlantik miqrasiya yolunda baş verib. Ölənlər arasında 437 uşağın, eləcə də 192 qadının olduğu dəqiqləşdirilib.
İspaniya Daxili İşlər Nazirliyi bildirir ki, 15 dekabr tarixinə qədər ölkəyə 35935 miqrant çatıb. Bu da ötən ilin eyni dövrü ilə müqayisədə 40% azdır. Onların demək olar ki, yarısı adıçəkilən miqrasiya yolundan keçib.
Təşkilatın məlumatına görə, əsasən Əlcəzair sakinləri İspaniyaya gəldiyi əvvəlki illərdən fərqli olaraq, 2025-ci ildə Somali, Sudan və Cənubi Sudandan miqrasiyanın artması müşahidə olunub.
İnsan hüquqları fəalları qeyd edirlər ki, Kanar adalarına gələn miqrantların sayı xeyli azalsa da, arxipelaqlara yeni, daha ucqar və təhlükəli bir marşrut yaranıb və bu, Qvineyadan başlayıb.
Poliqon.info
