Polşa şərq sərhədi boyunca pilotsuz uçuş aparatlarından (PUA) qorunmaq üçün yeni istehkam kompleksinin tikintisini iki il ərzində başa çatdırmağı planlaşdırır.
Herbiand.az xəbər verir ki, bunu "The Guardian" qəzeti Polşanın milli müdafiə nazirinin müavini Sezari Tomçikə istinadən xəbər verib.
Onun sözlərinə görə, kompleksin bir hissəsi təxminən altı ay ərzində və bəlkə də daha tez istifadəyə veriləcək.
Yeni sistemlər on il əvvəl yerləşdirilən müdafiə xəttinə inteqrasiya olunacaq və bu xəttə digər şeylərlə yanaşı, raket sistemləri və çoxlüləli artilleriya sistemləri də daxildir.
Tomçik layihənin 2 milyard avrodan çox xərc çəkəcəyini və əsasən SAFE (Avropa üçün Təhlükəsizlik Fəaliyyəti) müdafiə kredit proqramı çərçivəsində Avropa fondları tərəfindən maliyyələşdiriləcəyini, bəzi maliyyələşdirmələrin isə Polşa dövlət büdcəsindən ediləcəyini bildirib.
