Sia Az portalından verilən məlumata əsasən, ain.az bildirir.
Lakin Kreml bunu mümkün qədər məhdudlaşdırmağa çalışır...
...SİA-nın əldə etdiyi məlumata görə, ABŞ-ın yüksək vəzifəli rəsmisi Axios-a bildirib ki, Rusiya Donbasın statusu ilə bağlı referendum zamanı atəşkəsə razılıq verib.
Rəsmi şəxsin sözlərinə görə, Moskva əvvəllər hərbi əməliyyatların dondurulmasına qarşı çıxıb və yekun sülh sazişinin imzalanmasını tələb edib, lakin indi səsvermənin təşkili üçün fasiləyə ehtiyac olduğunu qəbul edib.
Mənbə əlavə edib ki, eyni zamanda, Ukrayna 60 günlük atəşkəsdə israr edir, Rusiya isə daha qısa müddət tələb edə bilər.
Rəsmi şəxsin sözlərinə görə, amerikalılar sazişin bir hissəsi kimi atəşkəs ideyasını dəstəkləyirlər, lakin onun həyata keçirilməsinin məntiqi cəhətdən çətin olacağını qəbul edirlər. ABŞ sülh planında Donbası silahsızlaşdırılmış "azad iqtisadi zona"ya çevirməyi təklif edib.
Ukrayna buna razılıq verməyə hazırdır, amma bu, yalnız Rusiya da qoşunlarını bölgədən çıxardığı təqdirdə baş verir. Bu arada, Prezident Vladimir Zelenski vurğulayıb ki, istənilən ərazi güzəştləri milli referendumda təsdiqlənməlidir. Vaşinqton və Kiyevdəki rəsmilər bildiriblər ki, Donbas və Zaporojye Atom Elektrik Stansiyası üzərində nəzarət istisna olmaqla, gələcək sazişin parametrləri, o cümlədən Ukraynanın ABŞ və Avropadan alacağı təhlükəsizlik zəmanətləri artıq razılaşdırılıb.
ABŞ-ın yüksək vəzifəli rəsmisi təsdiqləyib ki, Ağ Ev NATO Nizamnaməsinin kollektiv müdafiə haqqında 5-ci maddəsinə əsaslanan müvafiq sənədi təsdiq üçün Senata təqdim etməyə hazırdır.
Əli Babayev
Hadisənin gedişatını izləmək üçün ain.az saytında ən son yeniliklərə baxın.
