Idman.biz portalından əldə olunan məlumata əsasən, ain.az xəbər verir.
Yarımorta çəkidə UFC çempionu, 34 yaşlı rusiyalı İslam Mahaçev idmandankənar hobbiləri haqqında paylaşımlara davam edir.
İdman.Biz xəbər verir ki, sosial media səhifəsindəki yeni paylaşımında o, atını sürərkən çəkilmiş foto və videolarını paylaşıb.
Mahaçev dəfələrlə atların onun əsas hobbisi olduğunu bildirib. Qeyd edib ki, onun bir neçə atı var və yarışmaq üçün yarış atı almağı planlaşdırır.
Mahaçev hazırda UFC-də 16 döyüşdən ibarət qələbə seriyasına malikdir. Ümumilikdə, onun 28 qələbəsi və bir məğlubiyyəti var. Nyu-Yorkda UFC 322-də keçirilən son döyüşündə o, avstraliyalı Cek Della Maddalena ilə qarşılaşıb və yekdil qərarla qalib gəlib. Bu qələbə ilə Mahaçev promouşenin yarımorta çəkili çempionu və liqa tarixində 11-ci ikiqat UFC çempionu olub.
İdman.Biz
Hadisənin gedişatını izləmək üçün ain.az saytında ən son yeniliklərə baxın.
