Pendirin sağlamlığa təsiri çoxlarını təəccübləndirib. 25 il ərzində aparılan hərtərəfli bir araşdırma, hər gün müntəzəm olaraq pendir istehlakının demans riskini azaltdığını ortaya qoyub.
Ucnoqta.az xəbər verir ki, İsveçdə 25 il ərzində aparılan hərtərəfli bir araşdırma, hər gün 50 qramdan çox yüksək yağlı pendir istehlakının demans riskini 13 faiz azaltdığını ortaya çıxarıb. Elmi dünyada həyəcan yaradan bu nəticələr, xüsusilə yüksək yağlı pendirlərin zehni sağlamlığı qorumaqda gözlənilməz bir qalxan rolunu oynaya biləcəyini göstərir.
Bəşəriyyətin ən sevdiyi ləzzətlərdən biri olan pendir sağlamlığımız üçün gözlənilməz və möcüzəvi bir faydaya sahib ola bilər. İsveçdə təxminən 25 il ərzində 27.000-dən çox yetkin üzərində aparılan hərtərəfli bir araşdırma, hər gün müntəzəm olaraq yüksək yağlı pendir istehlakının demans riskini əhəmiyyətli dərəcədə azalda biləcəyini ortaya qoyub.
Lund Universiteti tərəfindən aparılan bu uzunmüddətli tədqiqat göstərir ki, gündəlik olaraq 20%-dən çox yağ tərkibli 50 qramdan çox brie, gouda, çedar və mozzarella kimi pendir istehlak edənlərin zehni sağlamlıqlarını qorumaqda üstünlüyü var. Onilliklərdir davam edən "yağlı qidaların sağlamlığa zərərli olduğu" qavrayışını kökündən sarsıdan bu tapıntılar sağlam yağların beyin funksiyasına müsbət təsirləri ilə bağlı yeni bir müzakirəyə səbəb olub.
Tədqiqat məlumatlarına görə, hər gün bol miqdarda yağlı pendir yeyən şəxslərdə çox az pendir istehlak edənlərlə müqayisədə demensiya inkişaf riski 13% daha aşağıdır. Maraqlıdır ki, eyni qoruyucu təsir az yağlı pendirlərdə, süddə və ya qatıq kimi fermentləşdirilmiş məhsullarda müşahidə olunmur; bu, yüksək yağlı pendirlərin unikal quruluşunun beyin sağlamlığında əsas amil ola biləcəyini göstərir.
Hal-hazırda dünyada milyonlarla insanı təsir edən və 2050-ci ilə qədər halların üçqat artacağı gözlənilən demensiya xəstəliyi üçün qəti bir müalicə yoxdur. Buna görə də, mütəxəssislər pəhriz vərdişlərinin qoruyucu qalxan kimi necə istifadə edilə biləcəyinə diqqət yetirirlər. Bununla belə, elm adamları hər hansı bir qidanı möcüzəvi müalicə kimi qəbul etməmək barədə də xəbərdarlıq edirlər. İştirakçıların həyat tərzlərinin 25 il ərzində dəyişmiş olma ehtimalı, pendir və beyin sağlamlığı arasındakı bu sirli əlaqənin necə işlədiyini tam anlamaq üçün əlavə tədqiqatların aparılmasının vacibliyini göstərir.///cnnturk
