Ağır çəkidə (120 kq) keçmiş UFC çempionu, kamerunlu döyüşçü Fransis Nqannu Kameruna 320.000 avro mərc qoyub.
İdman.Biz-in xəbərinə görə, idmançı özü bu barədə sosial media səhifəsində məlumat verib.
Mərc 21.0 əmsalla qiymətləndirilir, yəni Kamerun qalib gələrsə, Nqannu 6,72 milyon avro qazanacaq.
2025-ci il Afrika Millətlər Kuboku Mərakeşdə keçirilir. Yarışda altı qrupa bölünmüş iyirmi dörd milli komanda iştirak edir. Turnir 18 yanvara qədər davam edəcək. Hazırkı Afrika Millətlər Kubokunun çempionu 2023-cü ilin finalında Nigeriyanı 2:1 hesabı ilə məğlub edən Kot-d'İvuardır.
