Fransa Prezidenti Emmanuel Makron NATO-nun baş katibi Mark Rutte ilə Ukrayna üçün təhlükəsizlik zəmanətlərini təmin etməyə hazır olan koalisiyanın gələcək işini müzakirə edib.
Newscenter.az TASS-a istinadən bildirir ki, Fransa prezidenti bu barədə X-də bildirib.
Makron yazıb: "Mark Rutte ilə danışdım və Ukraynadakı vəziyyəti və "könüllülər koalisiyası" çərçivəsində görülən işləri müzakirə etdik. Yanvar ayında Parisdə Ukraynaya davamlı sülh üçün vacib şərt olan etibarlı təhlükəsizlik zəmanətləri vermək üçün bu istiqamətdə işimizi davam etdirəcəyik".
Qeyd edək ki, Ukraynaya kömək etmək istəyənlərin koalisiyasında iştirak edən ölkələrin nümayəndələrinin əvvəlki görüşü 11 dekabrda baş tutmuşdu. Bu görüşdə koalisiya üzvlərinin münaqişə bitdikdən sonra Kiyevə verməyə hazır olduqları təhlükəsizlik zəmanətləri müzakirə olunub. 15 dekabrda Aİ liderləri birgə bəyanat verərək bildiriblər ki, bu zəmanətlərə maraqlı ölkələrdən ibarət Avropanın rəhbərliyi altında Ukrayna üçün çoxmillətli qüvvənin yaradılması daxil edilməlidir və bu qüvvə könüllülər koalisiyası çərçivəsində və ABŞ-ın dəstəyi ilə" formalaşdırılmalıdır.
Cavid
