ain.az bildirir, Qaynarinfo saytına əsaslanaraq.
Bakıda özünü qazi qardaşı kimi təqdim edib, müxtəlif şəxslərdən pul alan Nürəddin Quliyev həbs edilib.
Qaynarinfo-nun məlumatına görə, narkoloji ekspertiza nəticəsində 1984-cü il tarixdə Gəncə şəhərində anadan olmuş Nüərddin Quliyevin sidiyində metamfetamin də aşkar edilib.
Onun barəsində İnzibati Xətalar Məcəlləsinin 206, 510 və 535.1-ci maddələri ilə protokol tərtib edilib və işə məhkəmədə baxılıb.
Məlum olub ki, Nüərddin Quliyev 18 dekabr 2025-ci il tarixdə saxlanılıb. Saxlanılmasına səbəb özünü qazi qardaşı kimi təqdim edərək müxtəlif şəxslərdən pul istəməsi olub.
Təqsirləndirilən şəxs etdiyi hərəkəti səhv olduğunu etiraf edib və 2 yaşlı övladına, qarşıdan Yeni il bayramı gəldiyinə görə cərimə növündə cəza təyin edilməsini məhkəmədən xahiş edib.
Məhkəmənin hökmü ilə o, bir aylıq həbs edilib.
Aydın
Daha ətraflı məlumat və yeniliklər üçün ain.az saytını izləyin.
