Siyəzən, 24 dekabr, Elxan Yusifli, AZƏRTAC
Siyəzən rayonununda 2 yaşlı uşaq avtomobildə yanaraq ölüb.
AZƏRTAC-ın bölgə müxbiri xəbər verir ki, hadisə rayonun Böyük Həmyə kəndində qeydə alınıb.
Kənd sakini 2023-cu il təvəllüdlü Bağırlı Seyfəl Hüseynağa oğlu yaşadıqları evin həyətində atasına məxsus “VAZ 2107” markalı avtomobilə oynamaq məqsədilə daxil olub. İlkin ehtimala görə, avtomobil daxilində baş verən qısaqapanma nəticəsində yanıb.
Bədbəxt hadisə nəticəsində Seyfəl Bağırlı dünyasını dəyişib.
Faktla bağlı araşdırma aparılır.
