“Football-plus.az” bu mövzuda daha ətraflı məlumat almaq üçün baş məşqçi Rüstəm Məmmədovla əlaqə saxlayıb:
“53-cü dəqiqədə Habibu Abdurəşid qırmızı vərəqə alaraq meydanı tərk etdi. Belədə meydanda iki legioner futbolçu qaldı. Legioner limitinin pozulması üçün bu say 3-ü keçməlidi. Biz də 61-ci dəqiqədə Matondo Lumbu Preddini meydana buraxdıq. Təbii ki, bundan əvvəl qaydalarla bağlı bilgi almaq üçün oyundakı baş hakim (Rəvan Həmzəzadə), hakim-inspektor (Munis Abdullayev) və AFFA nümayəndəsinə (Mübariz Hüseynov) müraciət etdik. Lakin onlar məlumatlı olmadıqlarını bildirdilər. Biz də hesabda geridə olduğumuzdan növbəti legionerə şans verdik. Görünür, qərarı yanlış anlamışıq. Sən demə, qırmızı vərəqə alan futbolçu da Əsasnamədə həmin limitə daxil olurmuş. Hər halda, səhvə yol verməsək, cəza almazdıq. Düşünürük ki, bizi bu barədə maarifləndirməliydilər. Düzdü, həmin oyunda onsuz da 1:3 hesabıyla uduzmuşduq. Lakin qalib gəlsək, indi çox acınacaqlı durum ortaya çıxacaqdı”.
Xatırladaq ki, “Zaqatala” 17 xalla 5-ci pillədədi. Komanda bu gün 2-ci yerdə qərarlaşan “Baku Sportinq”in qonağı olacaq.KƏNAN BAHADIR
