Astananın inkişafı ilə bağlı keçirilən iclasda Prezident Kasım-Jomart Tokayev şəhərin nəqliyyat və tranzit potensialını artırmaq üçün yeni hava limanının tikintisi imkanlarını nəzərdən keçirməyin vacibliyini qeyd edib.
Qaziler.az bildirir ki, bu barədə kazinform Akorda-ya istinadən məlumat yayıb.
"Hökumətə Akimliklə birlikdə bu məsələni hərtərəfli öyrənməyi və konkret təkliflər verməyi tapşırıram. Bu yaxınlarda keçirilən iclasda paytaxt hava limanı da daxil olmaqla, ölkədə tam hüquqlu aviasiya mərkəzlərinin yaradılması məsələsini müzakirə etdik. Lakin Qazaxıstan kifayət qədər aviasiya yanacağı istehsal etmir ki, bu da aviasiya mərkəzlərinin inkişafına mənfi təsir göstərə bilər və əslində, artıq belədir. Hökumət bu növ yanacağın istehsalını artırmaq üçün konkret tədbirlər görməlidir. Yeni neft emalı zavodunun tikilməsi lazım gələ bilər. Əlbəttə ki, bu təklifin həm müsbət, həm də mənfi tərəfləri var. Hökumət bu məsələ ilə bağlı mövqeyini müəyyənləşdirməli və praktik həll yolu hazırlamalıdır", - deyə dövlət başçısı bildirib.
QAZİLER.AZ
