“İlham Əliyevin Nadir Şahdan sonra Azərbaycanın yeganə qalib lideri olması mübaliğə yox, tarixi faktdır”.
KONKRET.az xəbər verir ki, bu fikiri siyasi şərhçi Asif Nərimanlı səsləndirib.
“Son iki əsrlik tariximizdə – 1747-ci ildə Nadir Şah Əfşarın vəfatından sonra Azərbaycan ardıcıl şəkildə ərazi və güc itkisinə məruz qaldı: xanlıqlara parçalanıb, ikiyə bölündüyü Gülüstan və Türkmənçay müqavilələrini yaşayıb. 1918-ci ildə Azərbaycan tarixinin yeni başlanğıcı olan Xalq Cümhuriyyətinin qurulması da İrəvanın itirilməsi ilə nəticələnib. Cəmi 23 aydan sonra yenidən işğal altına düşən Azərbaycanın torpaqları – Zəngəzur, Göyçə, Dərələyəz və digər tarixi ərazilərimiz sovetləşmənin ilk illərindən başlayaraq, qırmızı imperiyanın sonuna qədər ermənilərə “bağışlanıb”. SSRİ-nin dağılması – müstəqilliyin bərpası müharibə – ərazisi itkisi ilə yaşanıb”.
Nərimanlının sözlərinə görə, 273 il davam edən məğlubiyyət sindromunu 2020-ci ildə İlham Əliyev sındırdı və qələbə tarixini yazdı.
“Bu gün 64 yaşını qeyd edən Əliyev tarixdə Azərbaycanın məğlubiyyət tarixini dəyişən adam kimi qalacaq”,- deyə siyasi şərhçi vurğulayıb.
Müşviq Tofiq oğlu
KONKRET.az
