Belçikada qrip epidemiyası rəsmi elan edilib.
“Yeni Sabah” xəbər verir ki, ölkənin Milli Səhiyyə İnstitutu Sciensano bu barədə son statistik məlumatlara əsaslanaraq açıqlama yayıb.
Verilən rəqəmlər qrip yoluxmalarının ölkə üzrə epidemiya səviyyəsinə çatdığını göstərir və bu səbəbdən rəsmi olaraq qrip epidemiyası elan edilib. Bununla yanaşı, respirator sinsitial virus (RSV) da geniş yayılmaqdadır ki, bu da xüsusilə uşaqlar və yaşlılar üçün risk təşkil edir. Hazırda xəstəxanalar və ailə həkimləri üzərindəki yük nəzarət altındadır.
Sciensano bildirir ki, qrip və RSV‑nin eyni vaxtda yayılması qış fəsli ilə əlaqədar respirator viruslara yoluxma hallarının artdığını göstərir. Səhiyyə orqanları əhaliyə profilaktik tədbirlərə — əl gigiyenasına riayət etməyə, xəstə olduqda evdə qalmağa və risk qruplarına diqqət yetirməyə çağırış edir.
Telegram kanalımız
