Saatlı, 24 dekabr, Aydın Yavərzadə, AZƏRTAC
Saatlı rayonunda iki nəfər dəm qazından boğularaq ölüb.
AZƏRTAC-ın bölgə müxbiri xəbər verir ki, hadisə ötən gün axşam saatlarında Saatlı rayonunun Qaranuru kəndində qeydə alınıb. 1933-cü il təvəllüdlü İbrahim İsmayılov və həyat yoldaşı 1936-cı il təvəllüdlü Pəri İsmayılova yaşadıqları evdə dəm qazının təsirindən boğularaq ölüblər.
Hadisə yerinə hüquq-mühafizə orqanlarının əməkdaşları baxış keçirib, meyitlər müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Saatlı rayon şöbəsinə təhvil verilib.
Faktla bağlı araşdırma aparılır.
