ain.az bildirir, Demokrat.az saytına əsaslanaraq.
“Azərbaycan və Ermənistan arasında gedən sülh prosesi regionda yeni əməkdaşlıqlara yol açır. 2025-ci il avqustun 8-də Vaşinqtonda iki ölkə arasında 17 bənddən ibarət sülh müqaviləsi paraflanıb”.Bu fikirləri Demokrat.az-a açıqlamasında Milli Məclisin deputatı Elman Nəsirov bildirib.O deyib ki, prosesin əsas məqamlarından biri də iqtisadi əməkdaşlıqdır:“Azərbaycan artıq Ermənistanla yük daşımalarına tətbiq etdiyi məhdudiyyətləri aradan qaldırıb. Artıq Qazaxıstan buğdasının tranzit qaydada Azərbaycan üzərindən Ermənistana daşınması mümkün olub. Bu addım tərəflər arasında iqtisadi əlaqələrin açılması və tədricən normallaşması baxımından mühüm mərhələ sayılır. Ermənistanın Baş naziri Nikol Paşinyan İpək Yolu forumu çərçivəsində Azərbaycan Prezidentinə təşəkkür edərək bildirib ki, bölgələrarası yükdaşımalar artıq qarşılıqlı şəkildə məhdudiyyətsiz şəkildə həyata keçiriləcək”. Millət vəkilinin sözlərini görə, bu açıqlama iki ölkə arasında kommunikasiya və logistik əlaqələrin formalaşmağa başladığını göstərir:“Sülh mühiti yalnız hökumətlərarası müstəvidə deyil, ictimai səviyyədə də dəstəklənir. İrəvanda Azərbaycan və Ermənistanın vətəndaş cəmiyyəti təmsilçilərinin görüşü keçirilib və müzakirələrdə əsas diqqət sülh prosesi, qarşılıqlı etimadın gücləndirilməsi və gələcək əməkdaşlıq imkanlarına yönəlib. Regionda təhlükəsizlik məsələləri aktual olaraq qalmaqdadır. Azərbaycan-İran sərhədinin karantin rejimi səbəbindən bağlı saxlanılması İran-İsrail gərginliyi və potensial qaçqın axınının yaratdığı risklərlə izah edilir. Bu faktorlar sülh prosesinin davamlılığı üçün diqqət tələb edən mühüm məqamlar kimi qiymətləndirilir”.Leyla Turan
Demokrat.az
Hadisənin gedişatını izləmək üçün ain.az saytında ən son yeniliklərə baxın.
