Nyu-York Əmtəə Birjasında (NYMEX) mart ayı üzrə palladium fyuçerslərinin qiyməti 2,79% artaraq bir troya unsiyası üçün 2010,5 dollara yüksəlib. Qiymətli metalın qiyməti 13 dekabr 2022-ci ildən bəri ilk dəfə 2000 dollar həddini keçib.
Qızıl və gümüşün qiymətləri artıq üçüncü gündür ardıcıl olaraq rekordları yeniləyir. Bu gün fevral ayında tədarük ediləcək qızıl fyuçerslərinin qiyməti tarixdə ilk dəfə bir troya unsiyası üçün 4550 dolları ötüb. Mart ayı üzrə gümüş fyuçersləri də rekord yeniləyərək 72,75 dollara yüksəlib. Yanvar ayı üzrə platin fyuçerslərinin qiyməti isə 3,34% artaraq bir troya unsiyası üçün 2363,8 dollar təşkil edib.
Ayın əvvəlindən bəri qızılın qiyməti təxminən 5% bahalaşıb. Eyni dövrdə digər qiymətli metalların dəyəri 22–24% artıb. Qiymət artımının əsas səbəbləri dəyişməz qalıb: davam edən geosiyasi gərginlik, o cümlədən Rusiyanın Mərkəzi Bankının dondurulmuş aktivlərinin müsadirə edilməsi cəhdləri ilə bağlı narahatlıqlar.
