Devrilmiş Suriya prezidenti Bəşər Əsəd və ailəsi Rusiyada “lüks həyat” yaşaayır. Qəzetin məlumatına görə, keçmiş prezident hazırda Rublyovkada məskunlaşıb.
Editor.az xəbər verir ki, NYT-nin məlumatına görə, Əsəd ailəsi əvvəlcə mənzillərin həftəlik 13.000 dollara kirayə verildiyi “Four Seasons” otelində yaşayırdılar. Daha sonra ailə Moskvanın mərkəzindəki Federasiya Qülləsindəki iki mərtəbəli penthausa, oradan isə Moskva vilayətindəki bir evə köçüb. O, Rusiya kəşfiyyat xidmətləri tərəfindən qorunur.
Qəzet aydınlaşdırır ki, keçmiş Suriya prezidentinin kiçik qardaşı, Suriyanın Dördüncü Zirehli Diviziyasının keçmiş komandiri Mahir Əsəd də Moskvada yaşayır. Qəzetin məlumatına görə, o, Moskva şəhəri yaxınlığındakı “Capital Towers” yaşayış kompleksində məskunlaşıb.
Xatırladaq ki, Bəşər Əsəd 2000-ci ildən bəri Suriyaya rəhbərlik edirdi. 8 dekabr 2024-cü ildə islamçı qruplar koalisiyası hakimiyyəti ələ keçirdiklərini elan edib. Növbəti gün Əsəd və ailəsinə Rusiyada sığınacaq verildiyi elan olundu. Almaniyanın “Zeit” jurnalı keçmiş prezidentin “Moskva şəhərində” yaşadığını bildirib. “The Guardian” qəzetinin məlumatına görə, Əsəd “rus dilini öyrənir və oftalmologiyasını təkmilləşdirir”.
//Samir Qurbanov, Editor.az
