ain.az, Bizimyol saytına istinadən bildirir.
Belarus Prezidenti Aleksandr Lukaşenko, yeni təyin olunan Baş Prokurorluq və İstintaq Komitəsinin rəhbərlərinə ölkədə mövcud dövlət quruluşuna qarşı "inqilabi" mübarizəyə yol verməməyi tapşırıb.
Bizimyol.info xəbər verir ki, bu barədə "BelTA" xəbər agetliyi məlumat verib.
"Bu, həm sizə, həm də onlara aiddir: mövcud dövlət quruluşuna qarşı inqilabi mübarizəyə heç bir cəhd olmayacaq. Bunun üçün seçkilər var. Seçkilərə getmək və bu problemləri orada həll etmək lazımdır. Bu baxımdan Belarusun hər şeyi var. Xüsusilə də hazırkı prezident, tez-tez dediyim kimi, hakimiyyəti möhkəm əllərlə saxlamağa çalışmır," - deyə Lukaşenkonun qeyd edib.
Lukaşenko bir daha özünü gedən prezident kimi təqdim edib. "Kim narahatdır, kim sevinir. Bu, o demək deyil ki, sabah biz hamımız bunu atacağıq, mən də daxil olmaqla və gedəcəyik. Amma açıqdır ki, artıq mən o adam deyiləm ki, birinci və ya ikinci ildə prezidentlik edirəm," - deyə dövlət başçısı bildirib. Lukaşenko həmçinin insan hüquqlarının qorunmasının vacibliyini vurğulayıb. "Hər bir insanın iş hüququ, əmək haqqı hüququ var. Hər bir insanın bizdə ədalətlə yaşamaq hüququ var," - o qeyd edib.
Lukaşenko bazar ertəsi günü Respublikanın Baş Prokurorluğu və İstintaq Komitəsinin yeni rəhbərlərini təyin edib. Baş prokuror vəzifəsinə daha əvvəl İstintaq Komitəsini idarə etmiş Dmitri Qora təyin olunub. İstintaq Komitəsinin sədri vəzifəsinə isə əvvəlcə Dövlət Təhlükəsizlik Komitəsinin İstintaq İdarəsinin rəhbəri olmuş Konstantin Bıçək təyin edilib.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
