Yer kürəsində maqnit fırtınası davam edir.
QHT.az xəbər verir ki, Britaniya Geoloji Xidmətinin məlumatına görə, 21 dekabrdan Yerə təsir göstərən günəş küləyi səbəbindən maqnit fırtınası 23–24 dekabrda da davam edəcək və əsasən zəif (G1) səviyyədə olacaq. Alimlər bu dövrdə kiçik maqnit fırtınalarının müşahidə olunacağını bildirirlər. Maqnit fırtınaları bəzi insanlarda baş ağrısı, zəiflik, başgicəllənmə, təzyiq dəyişiklikləri və yuxu problemlərinə səbəb ola bilər.
Mütəxəssislər bol istirahət etməyi, stressdən uzaq durmağı, kifayət qədər su içməyi və sağlam qidalanmanı tövsiyə edirlər.
