“Milan” belçikalı hücumçu Divok Origi ilə müqaviləyə vaxtından əvvəl xitam verib.
İdmanxeber.az-ın məlumatına görə, 30 yaşlı futbolçu 2023-cü ilin yazından etibarən “qırmızı-qaralar”ın heyətində meydana çıxmırdı. 2025/26 mövsümünün sonuna qədər qüvvədə olan müqavilə qarşılıqlı razılaşma ilə ləğv edilib.
Qeyd edək ki, Origi 2022-ci ildə “Milan”a keçmiş və bu müddətdə 36 oyunda 2 qol, 1 assistlə yadda qalıb.
