Pakistanın Hayber Paxtunxva əyalətində polis maşınına edilən hücum nəticəsində beş polis əməkdaşı həlak olub.
Publika.az xəbər verir ki, bu barədə "Daily Mail" məlumat yayıb.
Bildirilib ki, hadisə vilayətin Karak rayonunda baş verib. Çoxsaylı polis qrupları hadisə yerinə göndərilib və ərazidə axtarış əməliyyatı başlayıb.
Hücumun detalları ilə bağlı hələlik rəsmi açıqlama verilməyib.
