ABŞ prezidenti Donald Tramp bildirib ki, "yalanlar və qəsdən təhriflər" dərc edən "The New York Times" qəzeti ABŞ-nin milli təhlükəsizliyinə təhdid yaradır.
"Unikal" xəbər verir ki, o, bu barədə "Truth Social"da yazıb.
"Uğursuzluğa düçar olan "New York Times" qəzeti və onun yalanları və qəsdən təhrifləri ölkəmizin milli təhlükəsizliyinə ciddi təhlükə yaradır", - Tramp qeyd edib.
Tramp həmçinin nəşri "radikal solçu dəlilik" adlandırıb və qəzetin "yalan xəbərlərinə" son qoymağa çağırıb.
"Bu, xalqın əsl düşmənidir!" - deyə Amerika lideri vurğulayıb.
Noyabrın sonunda Tramp səhhəti ilə bağlı məqaləyə görə artıq The New York Times qəzetini “xalq düşməni” adlandırmışdı.
