GlobalInfo saytından verilən məlumata görə, ain.az xəbər verir.
Rusiya ilə Azərbaycan arasında münasibətlər inkişaf etməkdə davam edir.
Globalinfo.az xəbər verir ki, bu barədə Kremlin sözçüsü Dmitri Peskov “Rossiya-1” televiziya kanalına verdiyi şərhdə bildirib.
Peskovun sözlərinə görə, Azərbaycan MDB çərçivəsində bütün formatlarda iştirakını davam etdirir. O qeyd edib ki, ikitərəfli münasibətlər də ardıcıl şəkildə inkişaf edir.
Kremlin sözçüsü bu açıqlamanı Azərbaycan Prezidenti İlham Əliyevin MDB dövlət başçılarının qeyri-rəsmi görüşündə iştirak etməməsi ilə bağlı sualı cavablandırarkən verib. Qeyri-rəsmi danışıqlar dekabrın 22-də Sankt-Peterburqda keçirilib.
Xatırladaq ki, daha əvvəl AZƏRTAC İlham Əliyevin MDB sammitində iştirak etməməsini Prezidentin sıx iş qrafiki ilə izah etmişdi.
Tahir Turan
Globalinfo.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
