Ermənistanın Baş naziri Nikol Paşinyan Rusiya Prezidenti Vladimir Putinə Azərbaycanla sülh prosesinin inkişafına dəstəyə görə təşəkkür edib. O, qeyd edib ki, Rusiyadan gələn qatarlar artıq Azərbaycan ərazisindən Ermənistana gedir: “Əlbəttə ki, bölgəmizdə çox vacib və xoşbəxtlikdən müsbət inkişaflar baş verir.
Ermənistan və Azərbaycan arasında sülh prosesinə verdiyiniz dəstəyə görə sizə təşəkkür etmək istərdim”, – deyə Nikol Paşinyan Sankt-Peterburqda Vladimir Putinlə görüşdə bildirib.
Qeyd edək ki, 8 avqustda Ermənistan və Azərbaycan ABŞ Prezidenti Donald Trampın iştirakı ilə Vaşinqtonda sülh müqaviləsini paraflayıblar.
//Samir Qurbanov, Editor.az
