Rusiyada daha bir general öldürülüb | VİDEO

AzVision.az xəbər verir ki, Rusiyanın İstintaq Komitəsinin məlumatına görə, partlayış zamanı aldığı xəsarətlər nəricəsində general ölüb.

Hərbçinin ölümü ilə bağlı Rusiyanın İstintaq Komitəsi hərbçinin qətli ilə bağlı cinayət işi açıb.

“İstintaqın məlumatına görə, dekabrın 22-də səhər saatlarında Moskvanın Yasenevaya küçəsində avtomobilin altına qoyulmuş partlayıcı qurğu işə salınıb. Rusiya Silahlı qüvvələri Baş Qərargahının Əməliyyat Təlim İdarəsinin rəisi, general-leytenant Fanil Sarvarov aldığı xəsarətlər nəticəsində dünyasını dəyişib. Bu faktla bağlı Rusiya İstintaq Komitəsinin Moskva şəhəri üzrə Baş İstintaq İdarəsi cinayət işi başladıb”,- Rusiya İstntaq Komitəsinin sözçüsü Svetlana Petrenko bildirib.

İstintaq Komitəsi sədrinin göstərişi ilə cinayətin açılmasına əməli köməklik göstərilməsi üçün mərkəzi aparatın təcrübəli kriminalistləri ezam olunub. Hadisə yerində araşdırma davam edir.
İstintaq zəruri ekspertizalar, o cümlədən məhkəmə-tibbi və partlayıcı testlər təyin edəcək. Şahidlər və şahidlər dindirilir, kamera görüntüləri araşdırılır.

- İstintaq qətllə bağlı müxtəlif versiyalar irəli sürür. Onlardan biri cinayətin Ukrayna kəşfiyyat xidmətləri tərəfindən təşkil edilməsidir”,- İstintaq Komitəsinin press-relizində deyilir.

“Layihə” nəşrinin məlumatına görə, Sarvarov osetin-inquş münaqişəsi, Çeçenistan müharibəsi, Suriyadakı əməliyyatlar zamanı hərbi əməliyyatlarda, həmçinin Ukraynadakı müharibədə iştirak edib.


Sahil İsgəndsərov
AzVision.az