BAKI, 21 dekabr. TELEQRAF
Yaponiya hökuməti özəl sektorla birlikdə milli süni intellekt (Sİ) modelini yaratmağı planlaşdırır.
Teleqraf "Yomiuri" qəzetinə istinadən xəbər verir ki, Yaponiyanın süni intellekt modelinin hazırlanmasına 2026-cı ildə başlanması gözlənilir.
Bunun üçün təxminən 3 trilyon yen (cari məzənnə ilə təxminən 19 milyard dollar) xərcləmək niyyətindədirlər.
Birgə inkişafda SoftBank kimi nəhənglər də daxil olmaqla 10-dan çox yerli şirkət iştirak edəcək.
Nəşrin məlumatına görə, hökumət xərclərin təxminən üçdə birini ödəmək, qalan hissəsini isə özəl firmalar tərəfindən investisiya yatırmaq niyyətindədir.
Layihə çərçivəsində müasir məlumat mərkəzlərinin (data center) inşası da nəzərdə tutulur. Gələcəkdə bu süni intellekt modelinin Yaponiyada istehsal olunan robototexnika sahəsində də tətbiq edilməsi planlaşdırılır.
