Bizimyol saytından verilən məlumata görə, ain.az xəbər verir.
Gürcüstanın Daxili İşlər Nazirliyi (DİN) 21 dekabrdan 9 yanvaradək etiraz aksiyalarının keçirilməsinə icazə verib, lakin nümayişçilərin küçə yürüşlərinə məhdudiyyətlər tətbiq edib.
Bizimyol.info xəbər verir ki, nazirliyin rəsmi saytında dərc olunan sənədə əsasən, aksiya iştirakçıları parlament binasının qarşısındakı pilləkənlərdə və onun ətrafında etiraz edə bilərlər. Bununla yanaşı, onlar piyadaların və nəqliyyat vasitələrinin hərəkətinə mane olmamalıdırlar.
Həmçinin, ictimai təhlükəsizlik qaydalarına riayət olunması təmin edilməli, dövlət orqanlarının, müəssisələrin, idarə və təşkilatların normal fəaliyyətinə əngəl törədilməməlidir.
Gürcüstanda 28 noyabr 2024-cü ildən etibarən hakimiyyətin ölkənin Aİ-yə üzvlüyü ilə bağlı danışıqların açılmasını 2028-ci ilə qədər gündəlikdən çıxarmaq qərarına cavab olaraq etiraz aksiyaları başlayıb.
Aksiya iştirakçıları hökuməti Avropa inteqrasiyasından imtina etməkdə ittiham edərək bu qərarın ləğvini tələb ediblər. Sonradan tələblərə daha ikisi əlavə olunub: saxlanılanların azadlığa buraxılması və növbədənkənar parlament seçkilərinin keçirilməsi.
Gürcüstan hakimiyyəti bu tələbləri yerinə yetirməkdən imtina edib və cavab olaraq aksiyaların keçirilməsi qaydalarını sərtləşdirmək qərarı qəbul edib. Bu qaydalar arasında strateji obyektlər qarşısında məqsədli piketlərin qadağan edilməsi, avtomobil yollarının və səkilərin əsassız bağlanması, maska taxılması, habelə bu qaydaların pozulmasına görə cərimələrin və cinayət məsuliyyətinin artırılması yer alır.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
