"Mançester Yunayted"in keçmiş baş məşqçisi Ser Aleks Ferqyuson klubun hazırkı vəziyyəti ilə bağlı şərh verib.
90deqiqe.Az xəbər verir ki, "The Telegraph" sabiq çalışdırıcının dediklərini belə çatdırıb.
"O [Amorim] çətin vəziyyətdə yaxşı insandır. "Liverpul"un zirvədə olduğu [Mançester Yunayteddə] keçirdiyim vaxtı xatırlayıram. Onlar fantastik bir komanda idilər və dörd dəfə Avropa Kubokunu qazandılar. Amma sonra yenidən liqa qazanmaq üçün 31 il (əslində 30 il - red.) lazım oldu.
"Mançester Yunayted" indi də eyni vəziyyətdədir. 10 və ya 11 il çəkə bilər; bu, bir dövrdür. Biz hər şeyi diqqətlə düşünməli və transfer siyasətimizin əvvəlkindən daha yaxşı olduğundan əmin olmalıyıq"
"Qırmızı şeytanlar" sonuncu dəfə İngiltərə Premyer Liqasını Ferqyusonun rəhbərlik etdiyi 2013-cü ildə qazanıblar.
