Dünən ABŞ Hərbi Dəniz Qüvvələri USS Santa Barbara döyüş gəmisindən “Lukas” (LUCAS) adlı birtərəfli hücum pilotsuz uçuş aparatının (PUA) ilk uğurlu buraxılışını həyata keçirib. Rəsmi açıqlamaya görə, bu sınaq ABŞ-nin dəniz əməliyyatlarına ucuz və effektiv kamikadze dronların inteqrasiyası istiqamətində mühüm addım sayılır.
Vətəninfo.az xəbər verir ki, ABŞ-də istehsal olunan “Lukas” dronu İran istehsalı “Shahed_136” tipli kamikadze PUA-sından ilhamlanaraq dizayn edilib və dəniz platformalarından buraxılış üçün uyğunlaşdırılıb.
“Lukas” dəniz platformalı zərbə kamikadze PUA kimi istifadəyə verilib. Vitse-admiral Kurt Renşou bildirib ki, döyüş gəmisindən ilk uğurlu buraxılış hərbçilərin operativ şəkildə əlçatan və təsirli pilotsuz vasitələrlə təmin olunmasında mühüm mərhələdir.
