Abşeron Rayon Polis İdarəsinin Dövlət Yol Polisi Şöbəsinin əməkdaşları tərəfindən yol hərəkəti qaydalarını pozduğu üçün “Toyota” markalı, 77-KJ-867 dövlət qeydiyyat nişanlı nəqliyyat vasitəsinin sürücüsü Kamran Bədəlov saxlanılıb.
Avtosfer.az-ın əldə etdiyi məlumata görə, yoxlama zamanı sürücünün hərəkətləri şübhə doğurduğuna görə o, tibbi müayinədən keçirilib. Müayinə zamanı Bədəlovun narkotik vasitə qəbul etdiyi müəyyən olunub. Sürücü barəsində protokol tərtib edilərək məhkəməyə göndərilib. Məhkəmənin qərarı ilə Kamran Bədəlov 20 sutka inzibati qaydada həbs edilib.
Qeyd edək ki, həmin sürücü bir müddət əvvəl də avtomobili narkotik vasitələrin təsiri altında idarə etdiyi üçün məsuliyyətə cəlb edilib.
Könül
