Platinin qiyməti yüksələrək çoxillik maksimuma çatıb.
7News.Az "Trading Economics"ə istinadən xəbər verir ki, qiymətli metalın füçersləri iki faiz artaraq, bir trua unsiyası üçün 1978 dollar olub.
Məlumata görə, bu, 2008-ci ildən bəri rekord səviyyədir. İlin əvvəlindən bəri platinin qiyməti 2.2 dəfə artıb.
Palladiumun qiyməti isə 3.3 faiz artaraq bir unsiyası 1 777 dollara satılıb ki, bu da son üç ilin ən yüksək göstəricisidir.
Xəbərdə bildirilir ki, ABŞ-də pul siyasətinin yumşaldılması gözləntiləri və qiymətli metal çatışmazlığı ilə bağlı narahatlıqlar fonunda platin və palladium bahalaşıb.
"Comex" birjasında qızıl füçerslərinin dəyəri 0.3% azalaraq bir unsiyası 4 359 dollara düşüb. Gümüşün qiyməti də 0.7% azalaraq, unsiyası 66.5 dollar olub.
