İrəvan məhkəməsi Gümrü meri Vardan Qukasyanın məhkəməyəqədər həbs müddətini daha üç ay uzadıb.
"Unikal" xəbər verir ki, bunu jurnalistlərə onun vəkili Zarui Postancyan deyib.
Hakim bununla da müdafiə tərəfinin vəsatətini rədd edib və məhkəməyəqədər həbs tədbirini dəyişdirmək istəyən üç müxalifət millət vəkilinin təqdim etdiyi təminatları da nəzərə almayıb.
Müdafiə tərəfi Qukasyanın səhhətinin məhkəməyəqədər həbslə uyğunsuz olduğunu iddia edib.
Postancyanın sözlərinə görə, məhkəmə müdafiə tərəfinin arqumentlərini nəzərə almadan açıq-aydın siyasi qərar qəbul edib.
O, məhkəmənin alternativ məhkəməyəqədər həbs tədbirləri tətbiq edə biləcəyinə əmindir, lakin Ermənistanın baş naziri Nikol Paşinyanın istəklərini nəzərə almağa qərar verib.
Müdafiə tərəfi məhkəmənin qərarını aldıqdan sonra apelyasiya şikayəti verəcək.
Vəkil həmçinin iddia edib ki, merin məhkəməyəqədər həbsxanadakı saxlanma şəraiti qeyri-kafi olub. Ürək xəstəliyindən əziyyət çəkən və siqaret çəkməyən Qukasyan iki siqaret çəkənlə birlikdə 15 kvadratmetrlik kameraya yerləşdirilib.
