BAKI, 17 dekabr. TELEQRAF
Ermənistan və Rusiya arasında İqtisadi Əməkdaşlıq üzrə Hökumətlərarası Komissiyanın 24-cü iclası Yerevanda Ermənistan Baş nazirinin müavini Mqer Qriqoryan və Rusiya Baş nazirinin müavini Aleksey Overçukun həmsədrliyi ilə keçirilib.
Teleqraf xəbər verir ki, bu barədə erməni KİV məlumat yayıb.
Hökumətlərarası Komissiyanın həmsədrləri 20 dekabr 2024-cü ildə Moskvada keçirilən Komissiyanın 23-cü iclasının qərarlarının icrasının nəticələrini müzakirə etdilər. Ermənistan və Rusiya arasında ticarət-iqtisadi, mədəni və humanitar əlaqələrin bütün kompleksi təhlil edildi və ikitərəfli və çoxtərəfli formatlarda əməkdaşlığın inkişafı üçün gələcək addımlar müəyyən edildi.
Tərəflər xüsusilə enerji, sənaye, nəqliyyat, kənd təsərrüfatı, rəqəmsallaşdırma, səhiyyə, mədəniyyət, elm, təhsil və turizm sektorlarını müzakirə etdilər.
Danışıqların nəticəsi olaraq, Mher Qriqoryan və Aleksey Overçuk Ermənistan Respublikası ilə Rusiya Federasiyası arasında İqtisadi Əməkdaşlıq üzrə Hökumətlərarası Komissiyanın 24-cü iclasının protokolunu imzaladılar. Hökumətlərarası Komissiyanın həmsədrlərinin iştirakı ilə Rusiya və Ermənistan nazirlikləri səviyyəsində bir sıra ikitərəfli sənədlər də imzalandı.
