Energetika naziri Pərviz Şahbazov Bakı şəhəri, Qusar və İmişli rayonlarından olan vətəndaşlarla görüşüb.
Doğru.az xəbər verir ki, görüş zamanı qaz xəttinin yerinin dəyişdirilməsi, enerji sərfiyyatı üzrə borclar, elektrik enerjisinin keyfiyyəti, elektrik təsərrüfatının yenilənməsi, elektrik və qaz sayğaclarının quraşdırılması, elektrik xəttinin mühafizə zolağı və işlə təminat məsələləri müzakirə olunub. Qaldırılan problemlərin qanunvericiliyə uyğun həlli üçün aidiyyəti struktur bölmələrə müvafiq tapşırıqlar verilib.
Qeyd edək ki, Energetika Nazirliyi vətəndaş müraciətlərinə baxılmasını səmərəli təşkili üçün rəhbər vəzifəli şəxslərin qəbul qrafikini rəsmi internet saytında yerləşdirib.
DOĞRU.AZ
