"Ailəsində ürək-damar xəstəlikləri, erkən yaşda ürək problemləri və damar hadisələri olan şəxslər tibbi müayinələrə daha erkən yaşlardan başlamalıdırlar".
Redaktor.az xəbər verir ki, bu fikirləri Səhiyyə Nazirliyinin rəsmi instaqram hesabında canlı yayım zamanı Səhiyyə Nazirliyi Elmi-Tədqiqat Tibbi Bərpa İnstitutunun terapevti Vüsalə Məmmədova qeyd etdi.
Onun sözlərinə görə, heç bir sağlamlıq problemi olmayan insanlar belə, uşaqdan böyüyə, ildə ən azı bir dəfə profilaktik tibbi müayinədən keçməlidirlər:
"Çünki ağrı və ya narahatlıq olmaması insanın tam sağlam olduğu anlamına gəlmir. Bir çox xəstəliklər aylarla, hətta illərlə simptomsuz inkişaf edə bilər. İldə bir dəfə tövsiyə olunan əsas müayinələrə qanın ümumi analizi, sidiyin ümumi analizi, elektrokardioqramma, qaraciyər və böyrəklərin biokimyəvi analizləri, qaraciyər infeksiyalarına dair testlər, qalxanabənzər vəzin analizləri və ya ultra səs müayinəsi, həmçinin qarın boşluğunun USM müayinəsi daxildir".
Nuriyyə NATİQQIZI
