Məlumdur ki, daha böyük buzlaqlar daha yavaş əriyir.
QHT.az xəbər verir ki, alimlərin hesablamalarına görə, hazırda hər il təxminən 1000 buzlaq yox olur və karbon emissiyalarının azaldılması hədəflərinə tam əməl olunsa belə, bu rəqəm 2040-cı ilə qədər ildə 3000-ə çata bilər. Son 20 ildə artıq ən azı 4000 buzlaq ərimə nəticəsində itib və mövcud iqlim siyasəti davam edərsə, 2100-cü ilə qədər dünya buzlaqlarının təxminən 79 faizi yox olacaq. Qlobal istiləşmə 2°C ilə məhdudlaşdırılarsa itkilər 63 faiz, 4°C-ə yüksələrsə isə 91 faiz səviyyəsinə çata bilər. Buzlaqların əriməsi dəniz səviyyəsinin təxminən 25 sm qalxmasına, su ehtiyatlarının azalmasına və daşqın risklərinin artmasına səbəb olacaq.
Tədqiqatçılar bildirirlər ki, hələ də buzlaqların bir hissəsini xilas etmək mümkündür, lakin bunun üçün qlobal miqyasda ciddi və sürətli tədbirlər vacibdir.
R.İmanov
