Tramp 7 ölkənin vətəndaşlarının ABŞ-yə daxil olmasını bütünlüklə qadağan edib...
ABŞ prezidenti Donald Tramp yeddi ölkənin vətəndaşlarına ölkəyə girişin tam qadağan edilməsi barədə fərman imzalayıb.
Poliqon xəbər verir ki, bu məlumat Ağ Evin rəsmi saytında dərc edilib.
Fərmana əsasən, Bərkina-Faso, Mali, Niger, Cənubi Sudan və Suriyanın vətəndaşları üçün tam giriş məhdudiyyətləri tətbiq olunub. Bundan əlavə, əvvəllər qismən məhdudiyyətlərə tabe olan Laos və Sierra-Leone vətəndaşları da tam qadağaya daxil ediliblər.
Xatırladaq ki, noyabrın 17-də Böyük Britaniyanın üç Afrika ölkəsinin vətəndaşlarına viza verməyi dayandıra biləcəyi barədə məlumat yayılmışdı. Söhbət Namibiya, Konqo Demokratik Respublikası və Anqoladan gedir. Bu ölkələr öz vətəndaşlarının qanunsuz olaraq Britaniyada olan təxminən 4 min nəfərinin geri qaytarılmasını rədd etmişdi.
Ekspertlər qeyd edirlər ki, Trampın imzaladığı fərman ABŞ-ın miqrasiya siyasətində sərtləşmənin davamı kimi qiymətləndirilir və beynəlxalq münasibətlərə təsir göstərə bilər. Bu addım həm də ABŞ-dakı təhlükəsizlik və miqrasiya nəzarətinin gücləndirilməsi məqsədini daşıyır.
Poliqon.info
