Kreml Kiyevlə nizamlanma prosesində konkret razılaşmalar barədə məlumatın olmadığını bildirir...
Poliqon xəbər verir ki, Rusiya prezidentinin mətbuat katibi Dmitri Peskov Moskvanın Ukrayna münaqişəsinin nizamlanması ilə bağlı aparılan danışıqların nəticələri barədə hələlik heç bir rəsmi və ya qeyri-rəsmi siqnal almadığını açıqlayıb. Onun sözlərinə görə, hazırkı mərhələdə Kremlin bu mövzuda məlumatlı olduğunu göstərən hər hansı mesaj mövcud deyil.
Peskov vurğulayıb ki, Rusiya tərəfi danışıqlar prosesi ilə bağlı mümkün nəticələr və ya əldə edilə biləcək razılaşmalar haqqında yalnız rəsmi kanallar vasitəsilə məlumat alacağı təqdirdə mövqeyini formalaşdıracaq. O əlavə edib ki, bu cür siqnallar daxil olmadan hər hansı yekun və ya qiymətləndirmə aparmaq tezdir.
Kreml sözçüsünün açıqlaması Rusiya-Ukrayna münaqişəsinin nizamlanması ətrafında diplomatik fəallığın artdığı bir dövrdə səslənib. Son günlər müxtəlif platformalarda mümkün təmaslar və vasitəçilik cəhdləri barədə məlumatlar yayılsa da, Moskva bu proseslərdə konkret irəliləyişin təsdiqlənmədiyini bildirir.
Poliqon.info
