Dövlət Məşğulluq Agentliyi bu ilin yanvar-noyabr aylarında 532,7 min şəxsi aktiv məşğulluq tədbirləri ilə əhatə edib.
Əmək və Əhalinin Sosial Müdafiəsi Nazirliyinin məlumatına görə, onlardan 177 min şəxs münasib işlərlə təmin olunub, 16,5 min şəxs isə kiçik ailə təsərrüfatlarını yaratmaları üçün özünüməşğulluq proqramına cəlb olunub.
Hesabat dövründə 17,2 min işsiz şəxs üçün isə peşə hazırlığı kursları təşkil olunub, 322 min şəxsə peşəyönümü xidmətlər göstərilib.
