"Yeni il süfrəsində “ən təhlükəli tək bir yemək” yoxdur. Əsas problem yeməklərin bir-biri ilə uyğun olmayan şəkildə və gec saatlarda birlikdə qəbul edilməsidir".
Ölkə.az "lenta.ru"ya istinadla xəbər verir ki, bu barədə qastroenteroloq Yevgeni Belousov danışıb.
Onun sözlərinə görə, xüsusilə yağlı qidalar, mayonezli salatlar və spirtli içkilərin eyni vaxtda, üstəlik çox miqdarda yeyilib-içilməsi risk yaradır:
"Yağlı yeməklər, mayonez və güclü alkoqolun birlikdə qəbulu kəskin pankreatit tutmasına və ya öd sancılarına səbəb ola bilər. Bu cür qida kombinasiyaları axşam saat 22:00-dan sonra daha təhlükəlidir, çünki həmin vaxt həzm fermentlərinin fəaliyyəti azalır".
Həmidə İbrahimova
