Son zamanlar Qara dənizdə mülki gəmilərə hücumlar Türkiyənin narahatlığına səbəb olub. Türkiyə Prezidenti Rəcəb Tayyib Ərdoğan bununla bağlı fkirlərini bildirib.
Herbiand.az Türkiyə mənbələrinə istinadən xəbər verir ki, səfirlər konfransında çıxış edən Türkiyə lideri həm Rusiyaya, həm də Ukraynaya bununla bağlı xəbərdarlıq edildiyini vurğulayıb:
“Ticarət gəmilərini və mülki gəmiləri hədəf almaq heç kimə fayda verməyəcək. Bu məsələ ilə bağlı xəbərdarlıqlarımızı hər iki tərəfə açıq şəkildə çatdırırıq”.
