Bakı, 16 dekabr, AZƏRTAC
İngiltərənin “Arsenal” komandası ciddi itki ilə üzləşib.
AZƏRTAC xəbər verir ki, London təmsilçisinin müdafiəçisi Ben Uayt zədələnib.
28 yaşlı ingilis futbolçu Premyer Liqanın XVI turunun "Vulverhempton"la oyununun (2:1) ilk hissəsində zədə alıb və sonradan əvəzlənib. O, təxminən 1 ay yaşıl meydanlardan uzaq qalacaq.
Xatırladaq ki, "Arsenal"ın digər müdafiəçiləri - Qabriel və Kristian Moskera da hazırda zədə səbəbindən oynamırlar.
