Rusiyada Android əməliyyat sistemli smartfonlardan WhatsApp messencerindən istifadə edənlərin platformada keçirdiyi vaxt son bir ildə 27% azalıb.
Hakimiyyet.az xəbər verir ki, buna əsas səbəblər zəng funksiyalarına tətbiq edilən məhdudiyyətlər və messencerin iş sürətinin zəifləməsi olub.
Bununla belə, maraqlı məqam odur ki, aktiv istifadəçilərin sayı azalmayıb. Əksinə, WhatsApp-a həftədə ən azı bir dəfə daxil olan istifadəçilərin sayı cüzi də olsa artıb.
Rəqəmlər nə deyir?
24–30 noyabr tarixlərini əhatə edən həftədə — WhatsApp-a girişlə bağlı problemlərin pik həddə çatdığı dövrdə —
Bir istifadəçinin messencerdə keçirdiyi orta vaxt 161 dəqiqə təşkil edib;
Bu göstərici ötən ilin eyni dövründə 219 dəqiqə idi.
Beləliklə, bir il ərzində WhatsApp-da keçirilən vaxt təxminən dörddəbir qədər azalıb, baxmayaraq ki, platformaya daxil olanların sayı sabit qalıb.(musavat)
