Yaponiyalı müdafiəçi Takehiro Tomiyasu yeni klubu bəlli olub.
90deqiqe.Az-ın məlumatına görə, 27 yaşlı futbolçu cari mövsümün sonuna qədər “Ayaks”la müqavilə imzalayacaq.
Qeyd edək ki, Tomiyasu 2025-ci ilin yayında azad agent statusunu qazanıb. 2022-ci ildən “Arsenal”ın şərəfini qoruyan futbolçu son mövsümdə zədələr səbəbindən demək olar ki, meydana çıxmayıb.
Dekabrın 16-da Tomiyasu yeni kluba tibbi baxışdan keçmək və müqavilə imzalamaq üçün Amsterdamda olacaq. “Arsenal”a keçməzdən əvvəl Tomiyasu İtaliyanın “Bolonya” klubunda çıxış edib.
