Kişi voleybolçular arasında Azərbaycan Yüksək Liqasında VII turun oyunlarına start verilib.
90deqiqe.Az-ın məlumatına görə, turun ilk oyun günündə “Azərreyl” komandası “Gənclər” kollektivi ilə üz-üzə gəlib. Görüş “Azərreyl”in aşkar üstünlüyü şəraitində keçib və paytaxt təmsilçisi rəqibini 3:0 (25:16, 25:15, 25:12) hesabı ilə məğlub edib.
Qarşılaşma Abşeron Olimpiya İdman Kompleksində baş tutub.
Qeyd edək ki, Azərbaycan Yüksək Liqasında VII turun oyunlarına dekabrın 17-də yekun vurulacaq.
