Ermənistan yaxın vaxtlarda yeni taxıl partiyalarını Azərbaycan və Gürcüstan ərazisindən tranzitlə qəbul edəcək.
AFN.az yerli mediaya istinadən xəbər verir ki, bu barədə Ermənistan iqtisadiyyat naziri Gevork Papoyan bildirib.
Nazirin sözlərinə görə, yüklər artıq yoldadır. Təfərrüatlar—Ermənistana çatma vaxtı və göndəriləcəyi ölkələr—sonradan açıqlanacaq. Papoyan çatdırılacaq yükün tonlarla göstəricisini təqdim edəcəyini qeyd edib.
O, Azərbaycan vasitəsilə neft məhsullarının tədarükü ilə bağlı məlumatın yalnız faktiki çatdırılmadan sonra açıqlanacağını vurğulayıb.
Xatırladaq ki, 5 noyabrda Rusiya taxılı, 8 noyabrda isə Qazaxıstan taxılı Ermənistanın Ayrum sərhəd-dəmiryolu stansiyasına çatıb. Bu, son 35 ildə Rusiyadan Azərbaycandan keçərək Gürcüstan vasitəsilə birbaşa Ermənistana gedən ilk dəmiryolu tədarükü olub.
