Qafqazinfo portalından verilən məlumata görə, ain.az xəbər yayır.
“Qarabağ”ın baş məşqçisi Qurban Qurbanov ilin ən yaxşı məşqçisinin mükafatlandırma mərasimində maraqlı açıqlamalar verib.
“Qafqazinfo”nun məlumatına görə, təcrübəli mütəxəssis bildirib ki, son zamanlarda avtomobili ilə hərəkət edərkən ona siqnal verib salamlayanlar çoxalıb:
“Rayonda, kənddə işıq olmur, amma siz daim bizlərlə olursuz. Futbola o vəziyyətdə baxırsız və inanın biz bunların hamısını düşünürük, görürük. Çünki biz özümüz ordan çıxmışıq, o lampa işığında böyümüşük, o kasıbçılığı görmüşük və gəlmişik. Kibrit işığında dərs oxuyurduq. Həyatımızın ləzzəti də budur. Daim qalibiyyət olsa, nə marağı qalar? Kim danışacaq, kim acılayacaq, kim tənqid edəcək?
İnanın ki, mən hər şeyi normal qəbul edirəm. Təsəvvür edin ki, maşında gəlirəm və bu, son vaxtlar həddindən artıq çoxalıb: sağdan biri siqnal verir “müəllim, necəsiz?”, soldan siqnal verirlər “sizə təşəkkür edirəm, uğurlar arzu edirəm”. Mən neqativ heç nə görməmişəm. Sadəcə yazılardır, hansısa yazı çıxır ortaya, nələrsə olur.
Amma mən həmişə xalqın arasındayam, sizinləyəm. Həmişə çalışacam ki, məğlub olsaq da, həvəsdən düşməyim, çəkinməyim, qorxmayım və hamının üzərinə gedim”.
Sonrakı hadisələr barədə daha çox məlumat almaq üçün ain.az saytını izləyin.
