Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas bildirib ki, Ukraynanın NATO-ya üzvlüyü artıq gündəmdə deyil və Avropa İttifaqı daha ciddi təhlükəsizlik təminatları hazırlamalıdır.
“Yeni Sabah” xəbər verir ki, Aİ ali nümayəndəsi qeyd edib:
“Aİ-nin təhlükəsizlik zəmanətləri sadəcə kağız üzərində deyil, real qoşunlar və real hərbi imkanlar olmalıdır”.
K. Kallas əlavə edib ki, təhlükəsizlik zəmanətləri Rusiyaya yox, Ukraynaya lazımdır:
“Vəziyyəti açıq görməliyik. Bir təcavüzkar var – Rusiya, bir də qurban – Ukrayna. Son 100 ildə Rusiya ən azı 19 ölkəyə hücum edib, bəzi ölkələrə 3-4 dəfə. Bu ölkələrdən heç biri Rusiyaya hücum etməyib. Ona görə də Rusiyaya heç bir təhlükəsizlik zəmanəti lazım deyil”.
Telegram kanalımız
